Hii hapa Fomu ya Kujiunga na Chuo Kikuu cha Ushirika Moshi (MoCU) kinawatangazia wanafunzi waliodahiliwa katika programu za Astashahada (Certificate) na Stashahada (Diploma) kuwa:
Tarehe ya Kuripoti
Wanafunzi wote wanatakiwa kuripoti chuoni kuanzia tarehe 20 Oktoba 2025 kwa ajili ya usajili.
Usajili unafanyika ndani ya wiki moja tu kutoka tarehe hiyo. Mwanafunzi atakayeshindwa kuripoti ndani ya muda huo, nafasi yake itafutwa.
Maeneo ya Kusomea
- Moshi – Makao Makuu ya MoCU
- Shinyanga – Kizumbi Institute of Co-operative and Business Education (KICoB)
(Mwanafunzi atapangiwa eneo mojawapo kulingana na programu aliyojiunga nayo.)
Vitu vya Muhimu kwa Usajili
Unapofika chuoni, wasilisha nyaraka zifuatazo kwa ajili ya usajili:
- Fomu ya Maelekezo ya Kujiunga (Joining Instructions) iliyojazwa kikamilifu na kusainiwa
- Vyeti halisi na nakala za taaluma kwa ngazi zote ulizosoma
- Result slips kwa kidato cha nne (2024) na kidato cha sita (2025) tu
- Bank slip ya malipo ya ada kama ushahidi wa ulipaji (muundo wa ada umeambatanishwa)
- Pasipoti kwa wanafunzi wa kimataifa
- Cheti halisi cha kuzaliwa
- Fomu ya uchunguzi wa afya iliyojazwa kikamilifu (imeambatanishwa kwenye fomu ya kujiunga)
Malipo ya Ada
- Ada lazima ilipwe kabla ya usajili
- Malipo yote yatafanyika kwa kutumia Namba Maalum ya Malipo (Control Number) itakayotolewa na Chuo
- Ili kupata Control Number yako, piga simu kwa namba zifuatazo:
- 0716 283 062
- 0786 796 423
- 0782 859 735
- 0714 547 826
Usitume pesa kwenye namba hizi. Zimewekwa kwa ajili ya kupata Control Number pekee.
Makazi (Hosteli)
- Chuo kina idadi ndogo ya vyumba vya malazi, hivyo hakihakikishi malazi ya ndani kwa kila mwanafunzi
- Hata hivyo, chuo kitaweza kusaidia wanafunzi kutafuta makazi ya nje kwa waliokosa nafasi ya bweni
Taratibu na Kanuni
Mwanafunzi atatakiwa kufuata kanuni zote za Chuo ikiwa ni pamoja na:
- Kanuni za Mitihani
- Kanuni za Nidhamu ya Wanafunzi
- Mwongozo wa Mavazi (Dress Code)
Ni muhimu kujifunza na kuelewa kanuni hizi ili kuwa na maisha mazuri ya kitaaluma na kijamii wakati wa masomo yako.
Maelekezo ya Ziada
- Usajili utafanyika katika Ofisi ya Udahili (Admissions Office)
- Kama utawasili usiku, tafadhali elekea Ofisi ya Malazi ya Wanafunzi (Student Accommodation Office) kwa msaada wa malazi ya muda
- Tafadhali leta fomu hii ya maelekezo siku ya usajili (20 Oktoba 2025)
Kwa maswali au maelezo zaidi, unaweza kuwasiliana na namba za simu zilizotolewa.
Karibu sana MoCU – Chuo Kikuu cha Ushirika Moshi. Tunatarajia kukuona ukiwa sehemu ya safari ya mafanikio ya kielimu na kijamii.
Soma zaidi: